నువ్వొస్తే కవితలొస్తయ్
కవ్విస్తే వలపులొస్తయ్
అనురక్తినంతా రంగరిస్తాను
సరికొత్త రాగంతో ఆలపిస్తాను

1.హృదయానిదేముంది
ప్రాణమే ధార పోస్తా
ఏడడుగలు మాత్రమేనా
జన్మలేడు తోడొస్తా
నువ్వడిగితె ఏదైనా కాదంటానా
ఇవ్వ మనసు నీకెపుడు లేదంటానా

2.సరదాలతో సదా
సాగిపోనీ జీవితం
సరసాలు జాలువారి
తరించనీ ఏ క్షణం
మూడునాళ్ళైతేనేమి మన అనుబంధం
చిక్కుముళ్ళగామారి విప్పలేని చందం