కదిలించే కలికి ఉంటే ఉరకదా కవిత జలపాతమై
పురికొలిపే పడతి ఎదురైతే ఒలకదా గానం రసగీతమై
అనుభూతి చెందేలా స్ఫూర్తినొసగాలి సంఘటన
పారదర్శకంగా వెలువడాలి భావాలు ప్రతి పాటలోన

1. సుప్రభాత పలుకరింపే కలిగించు ఉత్తేజం
కురిపించే ప్రశంసలే మేల్కొలుపు నా ప్రావీణ్యం
మా కలయిన ప్రతిక్షణం మధురతర కావ్యం
ఎన్నిసార్లు ఎదమీటినా ప్రతిసారీ నవ్యాతినవ్యం

విరహాలు రేగేలా మటుమాయమౌతుంది
ఊహించని వేళలోనా అమనిలా అలరిస్తుంది
గిల్లికజ్జాలతో అల్లరెంతొ చేసేస్తుంది
నవ్వులెన్నొ కురిపించి నవనీతం పూస్తుంది