నువ్వు పెదవి విప్పితే ఒక పాటే
నువ్వు మూగవోతేనో  నాగ్రహపాటే
మౌనాలు తీర్చలేవు సందేహాలు
హృదయాల కలయికలో మటుమాయం దేహాలు

1.రెండు భావాలదే ఈ స్నేహం
ఆత్మద్వయానిదే ఈమోహం
సంగమించనీయీ అనుభూతులన్నీ
అధిగమించనీయీ భవసాగరాలన్నీ

2.ఛేదించు పంజరాలు స్వేఛ్ఛగా విహరించ
తొలగించు బిడియాలు నిర్లజ్జగా రమించ
చిత్తాన్ని మొత్తంగా పరస్పరం మార్చుకుందాం
గుత్తాధిపత్యంతో మనని మనం ఏలుకుందాం