రచన,స్వరకల్పన&గానం:రాఖీ

అమ్మ మొదటి దేవత
ఆవు మహిని పునీత
ఇల్లేకద ఇలలోన స్వర్గసీమ
ఈశ్వరుని దీవెనలు అందుకొనుమా

1.ఉడతాభక్తిగా దానమీయుమా
ఉన్నదాంతొ తృప్తిపడీ జీవించుమా
ఊగిసలాడకూ ఊహల ఊయలలూగకూ
ఋణముల పాలబడక ఋషిలా మనగలుగూ

అమ్మని గౌరవించు అది ధర్మార్థం
ఆవుని పెంచుకో అది పురుషార్థం
ఇల్లును నిర్మించుకో నీ కామ్యార్థం
ఈశ్వరునీ ధ్యానించుకో మోక్షార్థం

2.ఎవరు ఏది చెప్పినా వినుట నేర్చుకో
ఐశ్వర్యమె నశ్వరమని  ఎరిగి మసలుకో
ఒదిగి ఉండు ఎప్పటికీ ఎంత ఎదిగినప్పటికీ
ఓరిమి చేకూర్చునూ ఔన్నత్యము మనిషికీ

అమ్మను ఆదరించు ముదిమిలో
ఆవుని పూజించు అవనిలో
ఇల్లాలిని పిల్లలను కళ్ళల్లొ పెట్టి చూసుకో
ఈశ్వరునీ దర్శించుకొ నీ ఆత్మలో