https://youtu.be/NUWgB3UFuZE

సన్నజాజి తీగకూడ చిన్నబుచ్చుకున్నది
నీ ఒంటిలోవంపు చూసి
మేఘాల్లో విద్యుల్లత సిగ్గుతెచ్చుకున్నది
నీ మేనిలో మెరుపు చూసి
దారితప్పి వచ్చావే  దేవీ ఇలాతలానికి
అను'పమాన వరమిచ్చావే ఇలా స్నేహానికి

 1.కనికట్టేదో ఉన్నది నీ కనుకట్టులో
వింత అయస్కాంతముంది నీ వీక్షణలో
కట్టిపడేసే మంత్రమున్నదీ నీచిరునవ్వులో
తేనెపట్టు గుట్టున్నదీ నీ ఊరించే పెదాలలో
లొంగిపోనివాడెవ్వడు ఈ జగాన నీకు
దాసోహమనక పోడు నీ లాస జఘనాలకు

 2.కాంచనమే వన్నె తగ్గు నీదేహకాంతి ముందు
నవనీతమె స్ఫురణకొచ్చు నీశరీర స్పర్శయందు
కిన్నెరసానియే నీ హొయలును అనుకరించు
ఉన్నతమౌ నీ ఎడద హిమనగమును అధిగమించు
రతీదేవికైనా మతిపోవును నీ సొగసు గాంచ
ఏ కవి కలమైనా చతికిల పడిపోవును నిను  వర్ణించి

OK