పొలమారుతుంటుంది నాకు పలుమారులు
యాది చేసుకుంటావేమో నన్ను అన్నిసార్లూ
నువ్వేమో అక్కడ నేనేమో ఇక్కడ
మన కలయిక కుదురుటన్నది మరి ఎక్కడ
సంక్లిష్టమైపోయాయి నేస్తమా జీవితాలు
మరలిరాలేకున్నవి  మనవైన ఆ గతాలు

1.ఇరుగు పొరుగు ఇళ్ళలోని చిననాటి స్నేహితులం
పరువాన వీడేవరకు మనం బాల్యమిత్రులం
ఆటలాడుకున్నాం కొట్లాడుకున్నాం
చీటికీ మాటికీ చాడీలు చెప్పుకున్నాం
రోజుగడిచి గడవకముందే పరస్పరం కోరుకున్నాం
సంక్లిష్టమైపోయాయి నేస్తమా జీవితాలు
మరలిరాలేకున్నవి  మనవైన ఆ గతాలు

2.నీ మీద ఈగవాలినా ఎన్నడూరుకోలేదు
ఎవరైనా అల్లరిపెడితే గొడవచేసి బెదిరించాను
ఎంతకష్టమైనదైనా  నువ్వడిగింది అందించాను
దుర్దినమది ఆ నాడు నీ ఆచూకి కోల్పోయాను
విధివింతనాటకంలో నేనే కద బలియైనాను
సంక్లిష్టమైపోయాయి నేస్తమా జీవితాలు
మరలిరాలేకున్నవి  మనవైన ఆ గతాలు