కలవడం అన్నది కలైతే ఖేదం
తొలగునా ఎప్పటికైనా మన మధ్య భేదం
కలిసినట్టె ఉంటుంది మన ఇద్దరి మనోగతం
కలతలేల తలపులలో కలగనీ ఆ మోదం
నాలోని లోపమేదో ఎరిగించమంటాను
పునర్నిమించి తత్త్వం సవరించుకొంటాను
ఎదలోన కాసింత చోటుకోరుకుంటాను
నేనంటూ మిగలకుండా నీవై పోతాను
చేరువగా రావడానికి అంతజంకు ఏలనో
దూరమై మనలేకా చింత ఇంక ఏలనో
వద్దనీ అనలేవూ నా వద్దకూ రాలేవూ
లోలకమై అటూఇటూ ఊగిసలే ఆడేవూ
జలతారు ముసగుల్లో వెతలెన్నొ దాచేవు
చిరునవ్వు మాటున నొప్పినంత కప్పేస్తావు
గాయాలకు పూసే మలాం ఉంది నా కవితల్లో
గుండెమంట చల్లార్చే జల్లుంది నా గీతాల్లో
తొలగునా ఎప్పటికైనా మన మధ్య భేదం
కలిసినట్టె ఉంటుంది మన ఇద్దరి మనోగతం
కలతలేల తలపులలో కలగనీ ఆ మోదం
నాలోని లోపమేదో ఎరిగించమంటాను
పునర్నిమించి తత్త్వం సవరించుకొంటాను
ఎదలోన కాసింత చోటుకోరుకుంటాను
నేనంటూ మిగలకుండా నీవై పోతాను
చేరువగా రావడానికి అంతజంకు ఏలనో
దూరమై మనలేకా చింత ఇంక ఏలనో
వద్దనీ అనలేవూ నా వద్దకూ రాలేవూ
లోలకమై అటూఇటూ ఊగిసలే ఆడేవూ
జలతారు ముసగుల్లో వెతలెన్నొ దాచేవు
చిరునవ్వు మాటున నొప్పినంత కప్పేస్తావు
గాయాలకు పూసే మలాం ఉంది నా కవితల్లో
గుండెమంట చల్లార్చే జల్లుంది నా గీతాల్లో
No comments:
Post a Comment