నీదైన అంగాంగం సుందర ప్రకృతి రంగం

నీ సొగసరి పరువం మదన కదన తురంగం

నీ గడసరి తమకం ముంచేత్తే కడలి తరంగం

అంతే దొరకని ప్రణయ ప్రబంధం నీ అంతరంగం

తూరుపు కనుమల నడుమన రవికే ఆహ్వానం

నీ కలువల కన్నుల లోనా శశికే సింహాసనం

నీ వెచ్చని తనువు స్పర్శనం రతి జాగృతి గీతం

నీ చల్లని చూపుల చంద్రిక నా తపనకు నవనీతం

నీ క్షీర శైల శిఖరారోహణ నాకానందపర్వం

నీ క్షార స్వేద రసాస్వాదలో మధురిమలే సర్వం 

నిను క్షేమతీరం చేర్చినపుడే నా మగటిమికి గర్వం

నీలా సలక్షణ సమవుజ్జీ ఇలన అపురూపం అపూర్వం

OK