రచన,స్వరకల్పన&గానం:రాఖీ

రాగం:అమృతవర్షిణి

నేలమీది జాబిల్లీ అమృతవల్లీ
అప్పుడే విరిసిన లిల్లీ నా కల్పవల్లి
నన్ను చంపమాకే నీ చూపుల్తో గిల్లీ
నిను చూడ మనసాయే నవ్వుల సిరిమల్లి

1.ఊహల్లో ఉండిపోక ప్రత్యక్షమైనావే
కావ్యాల్లో బంధిస్తే కంటిముందు కొచ్చావే
ముజ్జగాలు నాకొరకే వెదికి వెదికి వచ్చావో
సరిజోడగు రారాజునేనని నన్నే నువు మెచ్చావో

2.మేనక నను కోరివస్తె ఆనక రమ్మన్నా
ఊర్వశి ఊరించబోతే వలదుపో పొమ్మన్నా
రంభ నన్ను రమ్మంటే కుదరదింక లెమ్మన్నా
అమృతాన్నందించే నవమోహిని కలగన్నా -
అది నీవే నీవే నీవేనని తెలుసుకున్నా