సంగీతం  అమృతమే
మధురగానం నవరసభరితమే
అనుభూతులనే అనువదించగ
సరస హృదయాలే ఆస్వాదించగ -ఆనందించగా

1.షడ్జమ రిషభ గాంధార మధ్యమ
పంచమ ధైవత నిషాదాలు నర్తించ
మానస వీణ ఊపిరి శ్రుతిలో
ఎదస్పందనల క్రమయుత లయలో
శతకోటి రాగాలు పల్లవించగా
అనంతమౌ భావాల వెల్లి విరియగా-జగతి మురియగా

2.పరమ శివుని రచనలో సంగీతశాస్త్రమై
నటరాజ నర్తనలో లయ విణ్ణానమై
వేణుధరుని అధరాల సుధామాధుర్యమై
శ్రీ వాణీ వీణియలో మంద్రస్వర నాదమై
నారద తుంబురు వాదనైకవేద్యముగా
శిశు పశు నాగాదుల రసనైవేద్యముగా-మనో వైద్యముగా