బుంగమూతి ఎందుకే నంగనాచి
సంగతేంటొ చెప్పవే దయతలచి
కయ్యానికి కాలుదువ్వే వగలాడి
వేధించీ సాధించే మాయలేడి
తప్పదేమొ ఎప్పటికీ మొగుడికి ఈ ఆగడం
ఆలిని బ్రతిమాలడం కాళ్ళబేరానికి దిగడం

1.పాంజేబులు చేయిస్తా నీ లేత పాదాలకి
పాపిట బిళ్ళకొనిపెడతా అందాల నీ మోముకి
 పచ్చలహారం కొని వేసేస్తాను నీ మెళ్ళోకి
వడ్డాణం దిగబెడతాను నాజూకైన నీ నడుముకి
చెవులకు జూకాలు ఇంపగు మాటీలు
బంగారు గాజులే మోజుమీర కొనిపెడతా

2.కంచిపట్టు చీరలెన్నొ ఎంచి ఎంచి నీకు తెస్తా
కాలుకింద పెట్టకుండా తివాచీలనే పరుస్తా
సింగారించడానికెన్నో అలంకరణలందజేస్తా
ఘుమఘుమలాడేటి అత్తరులను గుత్తగ ఇస్తా
మల్లెపూల బారెడుదండ మాపటేలతల్లో పెడతా
కమ్మనైన మిఠాయిలెన్నో కడుపారా తినపెడతా