రచన,స్వరకల్పన&గానం:రాఖీ

మధుమాసం నీ చూపుల్లో
చంద్రహాసం నీ నవ్వుల్లో
మలయపవనం నీ సన్నధిలో
మదన సదనం నీ కౌగిలిలో
పొగుడుతూ పోతుంటే తెల్లారి పోతోంది
ఆచరించ బూనకుంటే చల్లారి పోతోంది

1.మకరందం నీ పెదవుల్లో
మాధుర్యం నీ ముద్దుల్లో
వయ్యారం నీ కటి తటిలో
సుకుమారం నీ స్పర్శలలో
మాటలకే పరిమితమైతే తెల్లారి పోతోంది
చేతలలో పెట్టకుంటే చల్లారి పోతోంది

2.సుధా జలధి నీ నాభిలో
రసాలములు పయ్యెదలో
భ్రమరాలు ముంగురులలో
మేరుగిరులు జఘనాల్లో
పీఠికనే ఒడవకపోతే తెర తొలగకుంది
తాత్సారం చేస్తూబోతే తపన తీరలేకుంది