రచన,స్వరకల్పన&గానం:రాఖీ

లంపటాలనంటించావు
కుంపటొకటి ముట్టించావు
సంసార బంధనాల్లో
కసిగా నను పడద్రోసావు
ఇంతటి పగయేముంది నీకు నాకు సాయీ
చింతలనే అంటగట్టి వినోదుంతువేలనోయి

1.నీ మసీదులోనాకు కాసింత చోటేలేదా
నీ కప్పెర మధుకరము మనలకు సరిపోదా
పొద్దస్తమానము నీ బోధలు వినకపోదునా
నిదుర సమయానికి పదసేవ చేయకపోదున
కానివాడినయ్యానా నేను నీకు సాయీ
ఏ చింతలే లేని నీ చింతన కలుగగ జేయి

2.చెప్పినట్టు నడుచుకొంటూ నీవెంటేఉండేవాడిని
ఏబాదరబందీ లేకా సుఖపడతూ ఉండేవాడిని
ఏ కష్టమొచ్చినా కనురెప్పగ కాచేవాడివి
నను కన్నతండ్రిలాగా ఆర్చితీర్చేవాడివి
కలవరిస్తున్నాగాని కనికరించవేల సాయీ
మించిపోయింది లేదు ఇకనైనా చేరదీయి