నీ మైత్రికోసం నేనార్తిగానూ
నీరాకకోసం వేచిచూస్తాను
నీ మాటకోసం ప్రతిపూటలోను
పరితపిస్తాను పలవరిస్తాను
నేస్తమా నిర్లక్ష్యమా
ప్రాప్తమే మృగతృష్ణయా

1.వేయలేను రెప్పనైనా-దృష్టి దాటిపోతావేమో
తీయలేను ఊపిరైనా-ఊహవై మిగిలేవేమో
రావేల రెక్కలనే కట్టుకొంటూ-
జాగేల కాలాన్నే నెట్టివేస్తూ
నేస్తమా నిర్లక్ష్యమా-ప్రాప్తమే మృగతృష్ణయా

2.బహుమతొకటి దాచిఉంచా-నిన్నబ్బుర పరచేలా
ఎద తలుపులు తీసిఉంచా-నేరుగా నను చేరేలా
వృధాసేయబోకే విలువైన జీవితాన్ని-
చేజార నీకే మరలిరాని సమయాన్ని
నేస్తమా నిర్లక్ష్యమా -ప్రాప్తమే మృగతృష్ణయా