రచన,స్వరకల్పన&గానం:డా.రాఖీ

అరె ఏం జెప్పుడ్రబై మన పబ్లిక్కు
దీన్ని సౌరగజేసుడెంత సిక్కు
నెత్తినోరుగొట్టుకుంటు మొత్తకున్నగాని పట్టించుకుంటే ఒట్టు
ఖుల్లం ఖుల్లజేసి ముంగట్లవెట్టినా ఎక్కదేందిరో గీ కరోనా గుట్టు

1.కాళ్ళుమొక్కిజెప్పినా ఖాతరే జేయరాయె
దండవెట్టిజెప్పినా మొండిగా వినరాయే
దందాలన్ని బందువెట్టి ఇంటికాడ ఉండమంటే
లెక్కజేయకుండ ఇంక సడకు మీద్కి రావట్రి
సబ్బువెట్టి సెయ్యితోమి సచ్చంగా ఉండమంటే
ఏదివడ్తె అదిముట్టి కంపుకంపు జేయవట్రి

2.టీవీల్లల్ల జూపినా సింతాకంత సింతలేదు
మైకువెట్టి జెప్పినా మంచిగైతె ఇనుడెలేదు
దగ్గు తుమ్ము ఏదొచ్చిన మూతిమూసుకోమంటే
నాకేమైతదంటు  పర్వజేసుడె లేదాయే
గజమంత దూరముండి పన్లు సక్కవెట్టమంటె
మీదమీద వడుకుంటూ రాస్కపూస్క తిరుగుడాయె