రచన,స్వరకల్పన&గానం:రాఖీ

రాగం:శుభ పంతువరాళి

ముట్టుకుంటే అత్తిపత్తి
పట్టబోతె ద్రాక్షగుత్తి
రెండువైపుల పదునున్న కత్తి
గొంతులింక కోయడమే నీ ప్రవృత్తి
ఆశలెన్నొ కల్పిస్తావు చెలీ అందాలనెరవేసి
నడి కడలిన తోసేస్తావు ప్రేమ నావలోంచి

1.పట్టించుకోకుంటే సెలుకుతావు గిల్లిగిల్లీ
చొరవగా ముందుకెళ్తే చేస్తావు లొల్లిలొల్లి
తప్పించుక తిరుగుతుంటే మాటేస్తావు పిల్లికిమల్లె
చావనీవు బ్రతుకగనీయవు నేనెలాసచ్చేది తల్లే
ఆశలెన్నొ కల్పిస్తావు చెలీ అందాలనెరవేసి
నడి కడలిన తోసేస్తావు ప్రేమ నావలోంచి

2.ప్రేమనొలకబోస్తావనే భ్రమలేర్పరుస్తావు
జీవితమే అంకితమంటూ కథలెన్నొచెబుతావు
పీకల్లోతు మునిగేవరకు దుస్థితే తెలియదెవరికీ
గుండెగాయమైపోయి భవితశూన్యమౌను చివరికి
ఆశలెన్నొ కల్పిస్తావు చెలీ అందాలనెరవేసి
నడి కడలిన తోసేస్తావు ప్రేమ నావలోంచి