రచన,స్వరకల్పన&గానం:రాఖీ

రాయకుండ ఉండలేను నీ మీద గీతమొకటి
తెలుపకుండ ఆగలేను మదిలోని భావసంపుటి
అందమంత కేంద్రీకృతమై నాభిలోనే దాగుంది
నాట్యమాడ నడుమెపుడో వంశధార అయ్యింది

1.గుండెలెన్నొ దండగుచ్చి మెడలోన దాల్చావు
చూపుల్ని మాలకట్టి సిగలోన దూర్చావు
నిన్ను చూసి యువకులంతా అన్నాలు మానారు
ఇంటికో దేవదాసై నీ ధ్యాసలొ మునిగారు
మైకమేదొ కమ్ముతుంది నిన్ను చూసినంతనే
మతి భ్రమించి పోతుంది నవ్వునవ్వినంతనే

2.వయసుకు విలోమానమై  సౌందర్యం వికసిస్తోంది
చెదిరిపోని సౌష్ఠవమింకా బుసలుకొడుతోంది
జన్మలెన్ని ఎత్తితేమి నిన్ను పొందడానికోసం
చచ్చీ చెడైనాసరే బ్రతుకంతా నీదాసోహం
అయస్కాంతమేదోఉంది నీ ఒంటిలో
ఇంద్రధనుసు కనిపిస్తుంది నీ కంటిలో