రచన,స్వరకల్పన&గానం:రాఖీ

సిత్రమే శివయ్య నీ తీరు
మొక్కినంత మాత్రాన్నే   ఆత్రాలన్నీ తీరు
వింతలెన్నొ సాంబయ్య నీ చెంతన
చింతలన్ని ఆర్పేను నీ నామ చింతన

 1.ముందూ వెనకా చూడవు
ఆగ్రహమొస్తే అసలే ఆగవు
అడ్డగిస్తే ఎవర్నైనా తలతెంచుతావు
భంగపరిస్తే మరున్నైనా దహియించుతావు
వీరభద్రునివై  కాలరుద్రునివై
శూల శస్త్రముతో జ్వాలనేత్రముతో

2.బూది బూసుకుంటావు
యోగ సమాధిలోన ఉంటావు
యాదిచేసుకోగానె వచ్చేస్తు ఉంటావు
ఏదడిగితే అది ఇచ్చేస్తు ఉంటావు
ఆలైనా ప్రాణాలైనా
పాశుపత అస్త్రమైనా పాశగత ఆయువైనా