రచన,స్వరకల్పన&గానం:డా.రాఖీ

నా కవి తలలో తరగని స్నేహముంది
నా కవితలలో సాహితీ దాహముంది
నే పాడే గీతాల దాగిన అనురాగముంది
నే వేడే భారతీమాత వర యోగముంది

1.ఎనలేని సారస్వత మక్కువ ఉంది
మనలేని సంగీతపు ఆత్రుత ఉంది
రసహృదయుల అగణితమౌ అభిమానముంది
ననుగన్న తలిదండ్రుల మిక్కిలి దీవెన ఉంది

2.దైవమంటె అమితమైన భక్తి ఉంది
దేశమంటె ఎదలో అనురక్తి ఉంది
సమాజమంటె ఇష్టపడే బాధ్యత ఉంది
విశ్వజనీనమైన ప్రేమ అనుభూతి ఉంది