రచన,స్వరకల్పన&గానం:డా.రాఖీ

రాగం:రేవతి

"విశ్వంభర"

కాల గమనంలో- లోకాల భ్రమణంలో
ఎన్ని వింతలో- ఎన్నెన్ని చింతలో
మానవ జీవనమే నవరస కదంబము
నరజాతి మనుగడలో అడుగడుగూ గండము

1.సంభ్రమంగ భువినావిర్భవించి
పలువిధముల పరిణామం చెంది
నాగరికతతో సంస్కారమొంది
పరిశోధనలే సలిపి ఆవిష్కరణలుచేసి
సర్వతోవికాసమొందినాడు మనిషి
సర్వదా సాటివారికై తపించే మహర్షి

2.పాతని సతతం పాతర పెడుతూ
అనవరతం నవ్యతకే పట్టం కడుతూ
అనునిత్యం ఎన్నెన్నో సవాళ్ళు ఛేదిస్తూ
నవతరానికై దారంతా ముళ్ళనేరేస్తూ
యుద్ధానికై సదా సంసిద్ధుడైన యోధుడు
జయాపజయాలలో చలించకున్న సిద్ధుడు