రచన,స్వరకల్పన&గానం:డా.రాఖీ

క్షణిక చలిత అలకనంద ఉరవడిగా
మందగమన మందాకిని ఒరవడిగా
కదలాడెను పదపదమూ ప్రబంధమై
పరిమళించె కవనమందు చందన గంధమై

1.అలతి అలతి అక్షరతతి భారతి ఆకృతియై
ఏమాత్రమైన సడలని మాత్రాగతి ఆ కృతియై
భావగాంభీర్యమై శ్రవణ మాధుర్యమై
అలరించెను రసజ్ఞ జన మనోజ్ఞమై

2.ఎదలయతో లయమై నటరాజ ఢమరుకమై
ఊపిరిలో స్వరఝరులై నవ జీవన వేణువై
పల్లవించె ఝల్లుమనగ పల్లవిగా గీతమే
నర్తించె చరణాలే తన్మయముగ సాంతమే