ఎందుకు సుందరీ నీ జోలికైన వచ్చామా
దేనికి భామినీ నిన్నూహించుకున్నామా
ఉచితంగా ప్రదర్శిస్తె తిలకించక మానగలమ
అందాలను ఒలకబోస్తె తాపంతో మనగలమా

1.మార్జాలమల్లె నీవు కవ్విస్తూ ఉంటావు
మూషకాలమే మా ఉసురు తీస్తుంటావు
మా మానాన మమ్మూ బ్రతక నీవె మానినీ
తలవంచుక మమ్మింకా పోనీయవె తరుణీ

2.వాలమైతె లేదుగాని మేము వానరులమే
కైపులోన ఎప్పుడూ మునిగితేలు వారలమే
నీ సొగసు నిప్పు కణిక తొక్కునట్లు జేయకే
చిందులేయ ఉసిగొల్పీ బ్రతుకును చిదిమేయకే