రచన,స్వరకల్పన&గానం:డా.రాఖీ

ప్రశాంతతేది నాకు విజయం వరించీ
ప్రతిసారీ ప్రగతికై నేనో విరించి
ప్రతిభను కనబరచాలి అంతకుమించి
ప్రస్థానమిరుకౌతున్నా అధిగమించి

1.చూపించగలగాలి కొంగ్రొత్తదనమేదో
ఆకట్టకోవాలి  విషయ వైవిధ్యంతో
పునరుక్తి కాకుండా ప్రస్తావించాలి
ఎదుటివారి నాడేదో పట్టుకోగలగాలి

2.ఊరుతూనె ఉండాలి ఆర్ద్రత హృదయంలో
నిరంతరం  తరించాలి మేధోమథనంలో
మనసును హత్తుకునే మత్తేదో చల్లాలి
ఇదమిద్దం ప్రతీకలతొ అద్దమల్లె తెలపాలి

3.లోకోఃభిన్నరుచి అన్నది మరవొద్దు
అన్నీ అందరూ మెచ్చాలను భ్రమవద్దు
మహామహులకైనా తప్పలేదు ఆటుపోట్లు
పొరపాట్లు సహజమే కూడదు కప్పదాట్లు