రచన,స్వరకల్పన&గానం:డా.రాఖీ

మోయబోకు విరహాన్ని ఎంతో భారం
సైచమాకు ఎడబాటు ఎంతటి ఘోరం
త్రుంచగ నేనున్నా ప్రతీక్షనే నెచ్చెలీ
మురిపించెద  దరిజేరీ రాసకేళి

1.సీతలాగ వీడిపోకు లేడి కోరి గీతదాటి
రాధలాగ బాధపడకు రోజంతా ఎదురుచూసి
నీ ఎదలోకి తొంగి చూడు కనిపించెదనే
నీతలపులు తట్టిచూడు ఏతెంచెదనే

2.చేరలేని రవిని కాను కమలమా నే కవిని
పున్నమి శశిని కాను చకోరమా నేనే కైరవిని
నా గుండెలొ దేవతగా కొలువుండవే
నా బ్రతుకున కర్థమై వెలుగొందవే