రచన,స్వరకల్పన&గానం:డా.రాఖీ

అందరం పోయేది తప్పక స్వర్గానికే
బ్రతుకును మించిన నరకం మరొకటి లేనందుకే
రౌరవాది దండనలు అష్టావింశతి
అనునిత్యం యాతనలు అనంతకోటి

1.సప్తవ్యసనాలు అష్టకష్టాలు
నవగ్రహ పీడనలు దశ దారుణాలు
అడుగుతీసి అడుగువేస్తె కందకాలు
అలవాటై పోయాయి దినదిన గండాలు

2.అవమానాలు అసూయా ద్వేషాలు
నమ్మితె మునిగేటి ఘరానా మోసాలు
మందూ మాకే లేని వింత మొండి రోగాలు
కల్తీమయ వస్తువులు కలుషిత దేహాలు