శుభోదయం ప్రతి ఉదయం
అనురాగయుతం ప్రతి హృదయం
జగమంతా ఆనందమయం
నీలోకి నీవే తొంగిచూచు ప్రతి సమయం

1.మలయమారుతం మనసు తాకినప్పుడు
లేలేత రవికిరణం తనువు మీటినప్పుడు
పక్షులన్ని పనికి వెళుతు పలకరించుకొన్నప్పుడు
నీకోసమె నీవుగా జీవించునప్పుడు

2.గృహదేవత తులసిచుట్టు ప్రదక్షణలు చేసిపుడు
యోగా వ్యాయామం యోగక్షేమమైనప్పుడు
ఘుమఘుమ కాఫీ టీలు ముక్కుపుటాలు చేరినపుడు
నిన్ను నీవు తెలుసుకొనగ బ్రతుకు మలుచుకొన్నప్పుడు