రచన,స్వరకల్పన&గానం:డా.రాఖీ

దివ్యత్వమేదో కళ్ళనుండి కురిసింది
కనుపాపలందు కరుణ కదలాడింది
కాటుకే చీటికిమాటికి నరదృష్టి మరలిస్తోంది
కనుబొమల ధనువే ఎక్కిడ వక్రబుద్ధి జడుస్తోంది

1.ఒలికీ ఒలకని కలికి నవ్వు కనికట్టుచేస్తోంది
కోటేరసొంటి నాసికేమో వాసిగా ఉంది
చెంపలైతే కెంపులల్లే మెరిసిపోసాగే
చెవిన జూకా ఆకతాయిగ సైగ చేసే

2.వనిత ఒద్దిక దిద్దుకున్న తిలకమే తెలిపే
నీలవేణి కురుల సొగసే మేఘమై తోచే
శంఖమంటి కంఠమే కలకంఠి కింపాయే
పెదవులనుగని మధుపమే భ్రమకు లోనాయే