రచన,స్వరకల్పన&గానం:డా.రాఖీ

రాగం:శుభ పంతువరాళి

చలనము లేదా చక్రధరా
ఉనికే వికల్పమ ఉరగ శయనా
నిజస్తుతి జేసినా జాడే కనరాదు
నిందాస్తుతికీ స్పందనయే లేదు

1.లేవనుకుంటే ఒకటే నిశ్చింత
కలవనుకుంటే కలతలె చెంత
బలమేనీవూ బలహీనతవూ
కర్మఫలమువై ఇల వరలెదవు
పొగడినా ఆచూకి కనరాదు
తెగడినా ఏ అతీగతి లేదు

2.ఆస్తికతకు నీ కథలెన్నెన్నో ఎన్న
నాస్తికతకు నీవున్న గతి సున్న
ప్రత్యక్షమవరా ప్రహ్లాద వరదా
ప్రత్యక్షరమిక నిను స్మరించెద
తప్పదు స్వామీ ఇదె తరుణము
నీ మనుగడకై ఆవిష్కరణము