రచన,స్వరకల్పన&గానం:డా.రాఖీ

రాగం:గానమూర్తి

ఎరుగవైతివే మనసా
ఎంతటిదే నీ భరోసా
ఇపుడైతె కాదని
నా కడకు రాదని
నిర్లక్ష్యము నీకిక తగదే
చరమాంకమేదో చిత్తముకానదే

1.రేపనుకున్నది చేయవె నేడే
నేడనుకున్నది కావించు ఇపుడే
మించును తరుణము
మరణమనూహ్యము
తాత్సారమికపై కూడదే
తనువు తపనల  వీడదే

2.దాచినదంతా దానమీయగ
భవబంధములే వదులవగ
తామరాకు పై నీటిబొట్టువై
ఆనందానికి ఆటపట్టువై
పరచింతనలో చింతలు వీడి
పరవశించవే నీవై సిద్ధపడి