ఎప్పుడూ జగడమే నీకురులతో
తప్పవే తిప్పలు నీ ముంగురులతో
ముద్దాడబోగా అవి ముందే తయారు
సంధిచేసుకుంటేనే నా ముచ్చట తీరు

1.కవ్విస్తూ కయ్యానికి కాలుదువ్వు నీకళ్ళు
ఊరిస్తూ పోరుసలుపు నీ నునుపు చెక్కిళ్ళు
పెదాలతో సర్వదా యుద్ధాలే నాకు
చుబుకానికి లోకువే పుణికి పుచ్చుకున్నందుకు

2.చూపులే అస్త్రాలు నవ్వులే శస్త్రాలు
నన్ను లోబరచుకొనగ నీకెన్ని ఆయుధాలు
సరసాల్లో సమరాలు ఇరువురికీ విజయాలు
ఓడినా గెలిచినా ఒకే తీరు తీయని ఫలితాలు