అద్దానికి చెప్పనేల సుద్దులన్నీ
అధరాన దాచనేల ముద్దులన్నీ
ఎడబాటు బాటలో ఎన్నాళ్ళీ నిరీక్షణ
తడబాటు చాటున ప్రేమకే పరీక్షనా

1.ఋతువులెన్నొ వేచేను కోయిల ఆమనికై
మబ్బులకై తపించేను మయూరమే విరహిణియై
ప్రతీక్షించు చకోరమే ప్రసరించే కౌముదికై
ఎదిరిచూచు గోరింక చిలకమ్మతొ చేరికకై

2.రాధకెంత బాధనో మాధవుని రాకకై
మీరాకెంత తపననో గోవిందుని పొందుటకై
నది పరుగులు పెడుతుంది కడలి సంగమానికై
మది గుబులే తీరకుంది చెలీనీ కలయికకై