రచన,స్వరకల్పన&గానం:డా.రాఖీ

కనులలో ఎన్నెన్ని కమనీయ కావ్యాలు
తనువులో ఏవేవొ రమణీయ దృశ్యాలు
నవ్వుల్లొ విరిసేను వేవేల హరివిల్లులు
పలుకుల్లొ కురిసేను పుట్టతేనెల జల్లులు

1.అల్లసాని ప్రబంధంలో వరూధినీ సొగసు నీది
ఆముక్తమాల్యద లో తులసిమాల వలపు నీది
రవివర్మ కుంచె దించిన దమయంతి రూపు నీది
రామప్ప గుడిలోని  శిల్పాల నునుపు నీది

2. మల్లెలు మందారాలు మెరిసేను అధరాన
రోజాలూ సంపెంగా వెలసేను ఆననాన
వాఙ్మయమే నెలకొంది నీ  రసన కొసన
కైతలే జపాతాలై జాలువారె నీ కలాన