రచన,స్వరకల్పన&గానం:డా.రాఖీ

నీ చూపటు నా చూపిటు
ఎలా కలిసేను మనసైటు(Sight)
నీ బాటటు నా చోటిటు
ఎలా ఒకటౌను మన సైటు(Site)
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

1.ఏం దాచుకున్నావో ఎదలోన సంగతులు
ఎరుగలేకున్నాను నీ చేతల మతలబులు
మొహం తిప్పుకుంటావు మోహనంగ మురిపించి
ఏమెట్టిచేసాడో విరించి వన్నెలన్ని మేళవించి
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది

2.సింగారించి హొయలన్ని ఒలకబోసేవు
సింగారాన్ని రంగరించి గారాలెన్నొపోయేవు
బ్రహ్మచర్యం చౌర్యం చేసే నంగనాచి జాణవె నీవు
మాయామర్మమెరుగని దానిలా బుంగమూతి పెట్టేవు
రెచ్చగొట్టమాకు పిచ్చిపడుతోంది
కచ్చతీర్చుకోకు కసిరేగుతోంది