గునపాలై దిగినాయి నీ చూపులు నా గుండెలో
ననుకట్టి వేసాయి కనుపాపలు  చెఱసాలలో
నను ముంచివేసాయి చిరునవ్వులు సరసాలలో
పందాలే విసిరాయి అందాలే అందమని ప్రతి పొద్దులో

1.పరాక్రమించావు  నీ అస్త్రశస్త్రాలతో
నువు విక్రమించావు నీవైన వ్యూహాలతో
మది నాక్రమించావు తీయని మాయని గాయాలు చేసి
బ్రతుకంతా సేవించే అధరసుధను సేవించే బానిస చేసి

2.వంపులనీ వయ్యారం మరులేగొలిపే
పుష్కలమౌ సౌష్ఠవమే తమకము రేపే
సింగారం నయగారం రంగరించ అంగాంగ సంగమమాయే
సింధూరం మందారం మేళవించ రేయంత జాగారమాయే