చెముడున్నదా ఏం వినిపించుకోవు
మిడిసిపాటేమొ నీకు పట్టించుకోవు
ఎంత మార్ధవంగా నే పలకరించినా
ఎంతప్రేమగా నీతో ప్రవర్తించినా
తగదు నీకీ తెగువా తరుణీమణీ
మనసులేని మగువా నా ప్రియభామినీ

1.అనిమేషవు నీవనుకోకు
మిషలింక వెతుకబూనకు
అమరకాంతనీవని తలవకు
కారణాలు వివరించకు
నాకన్న మిన్నగా ప్రేమించరెవ్వరు
అనురాగమంతా నీ ఎదలొ వంపరు

2.తిరిగి తిరిగి అరిగాయి
వెంబడించి నా పాదాలు
వెంటబడి అలిసాయి
విసుగెత్తిన నా తపనలు
తెగేసైన చెప్పవే తప్పుకొమ్మని
తెగతెంపులు చేయవే మూడుముళ్ళని