రచన,స్వరకల్పన&గానం:డా రాఖీ

వందల మందిరాలు సాయీ నీకు
లక్షలాది భక్తజనాలు
దినమంతా పూజలూ అర్చనలు
రోజుకైదు నీరాజనాలు
నిత్యనైవేద్యాలూ భోజనాలు
ఐనా ఏమి పొందినాము బాబా ప్రయోజనాలు

1.రాసాను కీర్తిస్తూ ఎనలేని గీతాలు
నీ గుణ గానాలు నామ భజనలు
చేసాను దీనులకు  సేవలు దానాలు
మోసాను నువ్వెక్కిన పల్లకీ పలుమార్లు
ధరించాను ధుని విభూతి అన్నిదినాలు
ఐనా ఏమి పొందినాము బాబా ప్రయోజనాలు

2.ముగించాను సచ్చరిత్ర పారాయణాలు
చేసాను షిర్డియాత్ర ప్రయాణాలు
కన్నాను కనులారా నీ సమాధి విభవాలు
స్పృశించాను నువు తిరిగిన ప్రదేశాలు
విన్నాను నువు తెలిపిన సూత్రాలు బోధనలు
ఐనా ఏమి పొందినాము బాబా ప్రయోజనాలు