రచన,స్వరకల్పన&గానం:డా.రాఖీ

పాట రాసేదే నీకోసం-నీవుంటే మధుమాసం
వరమీయి దరహాసం-తాళజాల నే మోసం
మెలితిరిగేను నిను చూసి నా మీసం
నిరంతం నీ సన్నిధిలో అంతులేని సంతసం

1.వంచాను అందుకో నీలాల ఆకసం
దించాను హరివిల్లు చేసుకో కైవసం
పెంచాను పూవనం కోసుకో సుమ మానసం
పోషించానీ  గీతంలో ఆసాంతం సరసరసం

2.తారామణులను త్రెంచుకొచ్చి మెళ్ళోమాలవేస్తా
చందమామను తీసుకొచ్చి గుమ్మాన తగిలిస్తా
కీలుగుర్రం ఎక్కివచ్చి నిన్నెత్తుకొని వెళతా
దేవలోక సామ్రాజ్ఞిగా నీకే నే పట్టం కడతా