అమ్మ మీద రాయనా కమ్మని పాట
అమ్మ అన్న మాటలోనె తేనెల ఊట
అమ్మే దైవము అమ్మే లోకము
అమ్మ చెంత ఉంటే దరిచేరదు శోకము

1.నాన్నకు నాకు రాయబారి అమ్మ
వీథి గొడవలేవైనా నా వకీలు అమ్మ
దాచినాకు రొక్కమిచ్చు మహాదాత అమ్మ
పూచికత్తు తానై నా తప్పుకాయు అమ్మ

2.తీరొక్క రుచులతో కడుపునింపు అమ్మ
ఉన్నదూడ్చి మూటకట్టి సాగనంపునమ్మ
లేదను మాటనదు చేతికెముక లేని అమ్మ
అమ్మంటె నాకే కాదు ఊరంతకు తాను అమ్మ