ఉన్నదో లేదో తెలియని స్వర్గమంటె ఇఛ్ఛయేల
పరికించు ప్రకృతిని భువి దివియై దిసించదేల
అందనిదానికై అర్రులు సాచనేల
పరిసరాలు రమతిగా మలుచుకోవేల

1.ఎదుటివారుండరెపుడు నీకనుకూలంగా
పట్టువిడుపునీకుంటే ఆప్తులే జనమంతా
మార్చలేవు పరిస్థితులు నీకనుగుణంగా
పరివర్తన చెందగలవు నీవె తగిన విధంగా

2.స్పందించరెవరని వగపునీకెందుకు
పరుల ఎడల ప్రథమంగా నీవే చేయిసాచు
ఇతరులకీయగలదె ఆశించుట సబబు
ప్రశ్నించుట సరెగాని చెప్పెదవా జవాబు