రచన,స్వరకల్పన&గానం:డా.రాఖీ

గంధర్వ గానాలు నీ కనులలో
పారిజాత సౌరభాలు నీ నగవులో
తేనెలూరు కమ్మదనాలు నీ మోవిలో
చందమామ చక్కదనాలు నీ మోములో

1.హంపిలోని చెక్కణాలు నీ తనువులో
అజంతా చిత్రాలు అణువణువులో
రామప్ప నాగిని సోయగం నీకే సొంతం
ఖజురహో భామిని పరువం నీ ఆసాంతం

2.బాపు బొమ్మకు ప్రాణం నీ ఆకృతిలో
రవివర్మ రాధకు జీవం నీ హవణికలో
ఎంకి ఒంపుసొంపులకు నీవే ప్రతిరూపం
యండమూరి వెన్నెల పిల్లకు నీవే ఆధారం