రచన,స్వరకల్పన&గానం:డా.రాఖీ

మల్లె ఎంత మంచిదో
పల్లె పడుచు పిల్లలాగ
మల్లె ఎంత చక్కనిదో
పసిపాప నవ్వులాగ
తనువు తనువంతా శ్వేతకాంతి
తన మనసు తావే ప్రశాంతి

1.వనాల్లోను మనగలిగేను అడవి మల్లి
చేలలోన సాగుబడౌను బొండు మల్లి
చెట్టులాగ ఎత్తెదిగేను బొడ్డు మల్లి
మేడమీది కెగబాకేను తీగమల్లి
నవశకపు నాందౌతుంది తొలిరేయిలోన
ఉత్ప్రేరకం తానౌతుంది దాంపత్యాన

2.ముళ్ళతో గాయ పరచదు గులాబిలాగ
బురుదతో మకిల పరచదు కమలంలాగ
భయమే కలిగించదు మొగలిపొదల లాగ
చపలచిత్తయే కాదు సూర్యకాంతి విరిలాగ
మూరెడంత దండౌతుంది ప్రియురాలి జడలోనా
నిలువెత్తు మాలౌతుంది స్వామి వారి మెడలోనా