రచన,స్వరకల్పన&గానం:డా.రాఖీ

చెప్పాలి ఏదో ఒకటి
విప్పాలి గుట్టే గుండెది
ఎన్నాళ్ళని మోస్తుంది ఎనలేని అనురాగం
ఎన్నేళ్ళని దాస్తుంది వలపు సరాగం
పల్లవించాలి ప్రేమ గీతపు పల్లవి
కలిసి కదలాలి చరణయుగ్మ యుగళి

1.నీదీ నాదీ ఒకటే మతం అభిమానయుతం
 అభిమతమేదైనా సరే పరస్పరం సమ్మతం
నాదీ నీదీ ఒకటే యోగం తావేలేదు అభియోగం
ఎన్నడు కూడదు కలలోనైనా మనకు వియోగం
ప్రేమైక లోకంలో ఏకైక జంట మనం
నిరంతరం ఫలించే కలల పంటే మనం

2.అలవోకగా అమరాలిగా బ్రతుకంతా ఆహ్లాదాలు
పేనవేయగా నిజమౌనుగా  ఇరువురి హృదయాలు
నీవు మురళీ రవం ప్రియా నేను  బృందావనం
నీవు తులసీదళం చెలీ తూచేవునన్నే తులాభారం
నీకు సదా నేనే సఖా జన్మదాసీనే
నీకు సఖీ నేనే కట్టు బానిసనౌతానే