రచన,స్వరకల్పన&గానం:డా.రాఖీ
ఉండేది తెలియదు పోయేది తెలియదు
ఎంతకాలం మనగలమొ తెలియదు
మూడునాళ్ళ ముచ్చటాయే బ్రతుకు సాయీ
ఇప్పుడైనా ఉన్న సమయం నిను వెతుకనీయీ
1.అహము మోహము వదలవాయే
కామనలు నను వీడవాయే
ఆగ్రహమ్మే అదను చూసుక ఉబుకునాయే
నిగ్రహపు ఆచూకియే ఆనదాయే
ఎందుకొచ్చిన భేషజాలివి సాయీ
నీ దివ్యపదమున చోటీయవోయీ
2.నిన్ను గానక కన్నులె తలనెక్కెనోయీ
నిన్ను తలవక నాలుకే బిరుసెక్కెనోయీ
నీదు లీలలు ఆలకించక చెవులు దిమ్మెక్కెనోయీ
నీదు సన్నధి చనకనే కాళ్ళు రేగళ్ళాయెనోయీ
కాస్త దయతో నన్నిక పట్టించుకోవోయీ
నీ దివ్య పథమున చేయిపట్టీ నడిపించవోయీ
No comments:
Post a Comment