రచన,స్వరకల్పన&గానం:డా.రాఖీ
ఎంత సొబగులాడివే బాలామణి
అందమైన ఈర్ష్య పడునె అలివేణి
లేతచివురు రెమ్మవే పూతకొచ్చిన కొమ్మవే
పదహారు ప్రాయాన పరువాల పుత్తడిబొమ్మవే
పదహారణాల తెలుగింటి ముద్దుగుమ్మవే
చక్కనమ్మవే చక్కెరశిల్పమంటె నీవే నమ్మవే
1.ముంగిలికే ముచ్చటౌ సంక్రాంతి రంగవల్లివి
గుమ్మానికి వన్నెలీను మావితోరణానివి
అందెలసందడితో ఇల్లంతా తిరుగాడే హరిణివి
సాంప్రదాయ తరుణివి నిండు కుంకుమ భరిణిని
పదహారణాల తెలుగింటి ముద్దుగుమ్మవే
చక్కనమ్మవే చక్కెరశిల్పమంటె నీవే నమ్మవే
2.పరికిణీ పేరణీ ఓణీ సింగారమొలికె నీతొ నీలవేణీ
ఉయ్యాలలూగ మెరిసెను నీ పదాల పారాణి
నీవున్న చోట నిత్యమూ పండగే పూబోణి
నడిమింట నడయాడగ నీవేలే మహారాణి
పదహారణాల తెలుగింటి ముద్దుగుమ్మవే
చక్కనమ్మవే చక్కెరశిల్పమంటె నీవే నమ్మవే
No comments:
Post a Comment