పెద్దపెద్ద మాటలేవి చెప్పను
ధర్మపన్నాలు వల్లించను
తత్వబోధచేయగా కోరను
ముక్తి ప్రాప్తించమని వేడను
సాయీ నీ మనుగడ సత్యమని నమ్మెద
నా కడగొట్టుపుత్రుని కనిపెట్టు కొమ్మనెద
1.సృష్టిలోని బాధనంత మూటగట్టి ఇచ్చావే
ఓర్చుకోతగనంత వేదన కలిగించావే
తీవ్రమైన యాతనలో మము పడద్రోసావే
పరిష్కరించుకోలేనివి ప్రసాదించినావే
సాయీ నీ మనుగడ సత్యమని నమ్మెద
నా కడగొట్టుపుత్రుని ఎదపెట్టు కొమ్మనెద
2.మొక్కని మొక్కులేదు ఇన్నాళ్ళుగా సాయీ
కట్టని ముడుపులేదు ఇన్నేళ్ళుగా నమ్మవోయీ
తిరుగని జాగలేదు తిరునాళ్ళుగా ప్రతిదీ నీదయీ
వాడని వైద్యమూ వేడని వేలుపూ లేడోయీ
సాయీ నీ మనుగడ సత్యమని నమ్మెద
నా కడగొట్టుపుత్రుని ధ్యాసపెట్టు కొమ్మనెద
No comments:
Post a Comment