రచన,స్వరకల్పన&గానం:డా.రాఖీ

రాగం:సరస్వతి

నా పదాలు సాగుతాయి నీ పదాలవైపుగా
నా భావాలు పరిణమిస్తాయి పదాలుగా
భారతి నీ కృతిగా  మార్చివేయగా
నా పయనం సాహితీ పథముగా
నా గమ్యం పరమ పదముగా

1.వివిధ వర్ణాలనే మేళవించుకొనగ
విరి పదములు ఏరేరి తెచ్చుకొనగ
కుసుమాలమాలగా గుచ్చుకొనగ
కవితలనలంకరించ మెచ్చుకొనగ
భారతి నీ కృతిగా  మార్చివేయగా

2.కలం పరసువేదై వస్తువు వసువుగా
సహానుభూతి ఉలితొ అపూర్వ శిల్పంగా
ఓషధీభూతమైన అలకనంద శైలిగా
నా కవనగంగతో జగతి పావమవగా
భారతి నీ కృతిగా  మార్చివేయగా