రచన,స్వరకల్పన&గానం:డా.రాఖీ

అవినీతే మీకు ఆనవాయితీ
ఆమ్యామ్యాకు బానిసాయె మీ మతి
చట్టాలెన్నిచేసినా చుట్టమాయే లంచం
లంచమే ఊపిరిగా మీదైన ప్రపంచం

1.జీతమే ఇస్తుంది సౌకర్యవంత జీవితం
గీతానికెందుకు కక్కుర్తి పడుతు బ్రతకడం
శాపనార్థాలతో బావుకున్న సంపద
పిల్లాపాపలకెపుడో కొనితెస్తుంది ఆపద

2.దర్జాను పోగొట్టునొకనాడు అక్రమార్జన
గౌరవాన్ని మంటగలుపు వక్ర సంపాదన
ఎదుటివారి కన్నీరే దాహమార్పుతుందా
శవాలపై పేలాలే మీ  కడుపు నింపుతాయా