రచన,స్వరకల్పన&గానం:డా.రాఖీ

చెలీ చెలీ చెలీ సఖీ సఖీ సఖీ
నీ పేరు జపమయ్యింది
నీ తలపు తపమయ్యింది
నీపై ప్రేమ ఊపిరయ్యింది
నీతో బ్రతుకు ఆయువయ్యింది
ఎలా చావనే చెలీ బంధించు నీ బిగి కౌగిట
అందించు నే జీవించగ  అధర సుధలు ఏ పూట

1.కనిపించకుంటేనేమో మనుగడే దుర్భరము
కనిపించినావంటే సడలేను మది నిబ్బరము
అందుకోలేను నేలనేను నీవు నీలిఅంబరము
ఇంద్రధనుసు వంతెనమీదుగ నిను చేరగ సంబరము
ఎలా చావనే చెలీ బంధించు నీ బిగి కౌగిట
అందించు నే జీవించగ  అధర సుధలు ఏ పూట

2.తపనతో పరుగున వస్తే మృగతృష్ణవైతేనో
మనం సంగమించే చోటు దిక్చక్రమైతేనో
రెక్కలగుర్రమెక్కినేను నీ కల్లోకి వచ్చేస్తాను
ఏకాంతలోకాలకు నిన్నెగరేసుక పోతాను
ఎలా చావనే చెలీ బంధించు నీ బిగి కౌగిట
అందించు నే జీవించగ  అధర సుధలు ఏ పూట