రచన,స్వరకల్పన&గానం:డా.రాఖీ

రాగం:శుభ పంతువరాళి

ఎంత పొరపాటు చేసావో ప్రభూ

గొంతు కొందరికి కమ్మగ  నువ్విచ్చి

అపాత్రదానమెందుకు చేసావో స్వామీ

వృధాపరచు ప్రతిభను వరమిచ్చి

పాడడానికెందుకో పడరాని పాట్లు

పికమల్లె పాడాలి జగతి పరవశించునట్లు

1.సహజమైన ప్రజ్ఞ నెపుడూ-దాచుకోవు తావిని విరులు

దాహార్తి తీర్చగ నదులూ-మార్చుకోవు తీయని రుచులు

దైవదత్తం వదులుకొనీ-అల్పచిత్తులౌతారు

కొత్తమత్తుకోరుకొని-గమ్మత్తుగ చిత్తౌతారు

పాడడానికెందుకో పడరాని పాట్లు

పికమల్లె పాడాలి జగతి పరవశించునట్లు

2.మనసంతా అందం పైనే-విద్వత్తుకు తిలోదకాలే

కలలన్నీ విలాసాలవే-సాధన బూదిలొ పన్నీరే

బలిమీటికి లింగం కడితే చాటుకెళ్ళివిప్పేస్తారు

పట్టిపట్టి నామం పెడితే పక్కకొచ్చి చెరిపేస్తారు

పాడడానికెందుకో పడరాని పాట్లు

పికమల్లె పాడాలి జగతి పరవశించునట్లు