రచన,స్వరకల్పన&గానం:డా.రాఖీ
అంధకారమందున దారినెరుగకున్నాను
అంధుడనై గతిగానక తిరుగాడుతున్నాను
సద్గురువు నీవె సాయి జగద్గురువు నీవే
ప్రేమతొ నను శిష్యునిగా స్వీకరించరావే
సమర్థ సద్గురు సాయినాథా
యోగిమహారాజా అనాధనాథా
1.ఏకాకిని నేను ద్విజుడను
తాపత్రయములు చతురాశ్రమాలు
పంచేంద్రియాలు అరిషడ్వర్గాలు
సప్తవ్యసనాలు అష్టదరిద్రాలు
నిను దరిజేరగ నాకు అవరోధాలు
నవవిధాల భక్తితో నిను సేవింతును
దశవిధ బలములొసగి ఉద్ధరించుమా
సమర్థ సద్గురు సాయినాథా
యోగిమహారాజా అనాధనాథా
2.శ్రవణం కీర్తనం పరీక్షిత్తు శుకులుగా
స్మరణం అనవరతం ప్రహ్లాదునిలాగా
పాదసేవనం మహాలక్ష్మి మాదిరిగా
అర్చనం వందనం పృథు అక్రూరులుగా
నీ పాదదాసుడనై రామభక్త హనుమగా
నరుడనై సఖుడిగా నిన్ననుసరింతుగా
ఆత్మనే నివేదింతు బలిచక్ర వర్తిగా
సమర్థ సద్గురు సాయినాథా
యోగిమహారాజా అనాధనాథా
No comments:
Post a Comment